Team Bittel
 

24.06.2012 - Alex Zugläufer in Fürth (4:45)  

Autor:  AlexMorschhäuser   E-Mail: saubone.alex§t-online.de
Letzte Änderung: 02.07.2012 01:49:26

Es ist so warm, aber es macht so Spass. (Vorsicht O-Ton Schweinfurt :-)

Also klasse wor es widdä ämol, auch die voll dodaal professionelle Orga und Vorbereitung.


4:45er Bremsjogger is echt ä affägeilä Job – und worüm?

Sou ä Zeit is jo wohl kaum die Zielzeit für än Marradon-Läufer – öbbä grod des wor des Schüänä o dere Gschichdä.

Die Nelli und dä Alex höm wahnsinnich viele verschiedene und liebe Jogger mit alle Charaktere wo gibt, kennegelernt.

Und ich denk ämol, dass mir die alle a sehr guäd betreut höm und a sehr guäde Geläffs- und Strategie-Tipps weitergeb konntä.

A die Zuschauer und Helfer worn widdä ämol sensationell guäd druf (dä Alex hädd halt doch sei Kamera mit söll nemm) und mir höm uns geechäseidich und ständich den Super-Stimmungsball hin und her gschobä – hod echt än riesen Spaß gämochd.

Halt immer ständich wechselndes Publikum – a bei dä Jogger.

Denn wer om End ä 4:45er Zeit gschafft hod, joggd ohne Ausnahme viel zu schnell loäs, sou dass mir immer bloß sou 1-2 km lang die Gleichä bei uns haddä, dann muässde se ob läss reis.

Öber äs sen jo immer widdä neuä däzukummä und die viele Quatscherei wor fei echt viel anstrengender als die Joggerei ;-)


Beim Start haddä mer mit än Ernst und än Norbert zwee feste Jogger mit dä Schnaps-Zielzeit vo 4:44 bei uns.

Mir worn wärgli ä sehr lusdiches 4-er Gespann. Öbbä sou noäch 10 km konnt dä Norbert nix mehr sou langsam und muässd äweng mehr Gas geb.

Sou 5 km später söüchd dä Ernst (vür ä boor Wochä nu ä Herz OP gehabt) plötzlich, dass ihm üms Herz äweng eng wädd und fräächd än Alex, wos er denn etz om besdä mäch söll.

Do schrillä beim Alex natürlich alle Alarmgloggä und hod sofort mit ihm ä Gehpause gämochd. Wädds besser? Ä bissle – für än Alex natürlich nu ned befriedigend.

Äweng später wors dann öbbä widdä guäd und dä Alex hod sich schweren Herzens vo ihm verabschiedet (natürlich erschd, noächdem ihm dä Ernst versprochä hod, dass er die 4:45 für heut komplett vergisst und er rausgedd und sich sofort bei än Sanitäter meldet, falls die Probleme numol kummä) und is widdä vür zu dä Nelli gäjoggd.

In dä driddä Runde höm mir den Ernst auf ä Begeechnungs-Strecke numol gsehn. Es ging ihn widdä sehr guäd und er hod des Gewergl nu in ä sehr guäden Zeit gefinnischd – YEEEAAAAHHHH!

Sou 4 km vür Schluss joggä mer a widdä auf än Norbert auf. Etz hod er doch scho äweng zu kämpfä und konnt leider nix mehr all zu lang bei uns bleib. Öbbä immerhin is er nu knapp ünner 4:50 gebliebä und hod sich in dä Zielzone a wahnsinnig herzlich bei uns für die klasse Betreuung bedankt. Sou ä Lob bringt än 4:45er Bremsjogger natürlich ä segensreiches Balsam auf die Geläffs-Seele.

Dä Norbert wor weg und scho wor dä Friedrich bei uns. Er wollt ursprünglich auf die 4:30 geh und jetzt will er versüch, wenigstens bei uns zu bleibä.

Mir höm ihn dann a sou dermaßen heiß auf die Schnapszohl mit än 4-fachä Schnaps im Ziel gämochd, dass er numol voll dodaal motiviert wor - äs is halt doch immer der Kopf, der aufgibt – oddä a ned ;-) - und bis zum Schluss bei uns gebliebä is. Mit dä Schnapszohl hods dann zwor ned ganz geklappt (er is leider äweng früher als die Nelli und dä Alex über die Startlinie), er wor im Ziel öbbä trotzdem hammermäßich glücklich – also ganz genau des, wos äs Wichdigsdä für än Bremsjogger is :-)



Zusammenfassung:

Affägeil wors – än riesen Spaß hods gämochd – sehr schö wors in Fädd – äs guäde Gefühl, viele Jogger geholfä und ä geiles Geläffs-Fieling vermittelt zu höm, is a heut nu voll präsent und dä Alex is sich sicher, dass mir Team-Bitteler (bitte ein Bit) bei allä sehr guäd okummä sen und im Gästebuch ausschließlich lobend erwähnt wern.

 
[team/fuss.htm]